Сите уживаме во некои неделни ритуали, и сега кога сезоната се менува, идеално време е да им се вратиме и повторно да уживаме во пилингот за тело и маски за лице.
Ви носиме четири рецепти за закрепнување на косата по летото и за нив не ви треба ништо повеќе од состојките кои сигурно ги имате дома, а кои се природни и ефикасни.
Маска со јајца
Наменето за: сува, кршлива, излитена коса на која ѝ недостасува сјај.
Изматете една жолчка од јајце со една лажица растително масло (маслиново, авокадо, арган, рицинус, јојоба или кокос) и веднаш нанесете на косата прамен по прамен и оставете ја маската да делува половина час. Исплакнете и измијте со благ шампон, идеално без сулфат. Доколку вашата коса е густа и долга, дуплирајте ја количината на состојките и не користете белки од јајца.
Маска со мед
Наменето за: дехидрирана коса која го загубила својот сјај и светлите бои, особено русата коса.
Измешајте две лажици мед со една лажичка сок од лимон, а потоа додадете една до две лажички млака вода – колку што е потребно за да ја направите масата хомогена и полесна за нанесување. Нанесете ја маската прамен по прамен и оставете да делува половина час, а потоа исплакнете ја темелно. Нема потреба да ја миете косата со шампон по оваа маска, доколку ви е мрсна, измијте ја претходно.
Маска со јогурт
Наменето за: чувствителен и иритиран скалп, смирувачки првут и дехидрирана коса која го загубила својот сјај.
Измешајте една лажица грчки јогурт и една лажица мед, а потоа, во зависност од тоа кој проблем ви е поважен, додадете го следново: За сува коса, додадете една лажица растително масло (маслиново, авокадо, арган, рицинус, јојоба или кокос). За мрсна коса, не додавајте масло туку лажица гел од алое. За против првут, додадете малку етерично масло од чајно дрво, гераниум или пачули во смесата.
Нанесете од маската прамен по прамен и оставете ја да делува половина час, а потоа исплакнете и измијте ја косата со благ шампон без сулфат.
Маска со кокосово млеко
Наменето за: кадрава, наелектризирана и сува коса.
Измешајте три лажици кокосово млеко и една лажица рицинусово масло. Доколку вашата коса е долга и густа, дуплирајте ја дозата. Во оваа основа можете да додадете една изматена жолчка (без белката). Оставете ја маската да делува еден час, а потоа измијте ја косата со благ шампон без сулфат.
