Мина, ќерката на пејачот Александар Белов наполни една година. Многу пријатели и роднини дојдоа на роденденската прослава што Александар и неговата сопруга Јелена ја организираа во ресторан во Крагуевац. Гостите се забавуваа со бенд во живо, а во еден момент запеа и Александар, па ги крена сите на нозе.
Александар не крие дека е пресреќен што има ќерка. Тој неодамна за „Репортер“ раскажа дека додека не го знаел полот на бебето, потајно се надевал дека ќе биде девојче. Ни откри и дека со сопругата долго размислувале за името на бебето, а на крајот се решиле за Мина оти лесно се изговара, но и затоа што ниедна буква во името и презимето не се повторува.
Мина се роди нали на 13 јануари, а Александар среде настап дознал дека Јелена се породила, па престанал да пее и возбуден на гостите им кажал дека станал татко.
„Почнаа да ми честитаат сите, и луѓе што ги знам и оние што не ги знам. Ми ја искинаа кошулата, беше неверојатно“, рече Белов за „Репортер“.
Отсекогаш сакав да имам ќерка – Александар Белов зборува за татковството
