Рок журка направија Ареа вчеравечер на скопскиот Пиволенд. Публиката се потсети на старите добри хитови кои добро одеа со ладно пиво. На градскиот плоштад со собраа и млади и стари за да уживаат во добра македонска музика со домашни артисти, но и да вкусат од понудените пивски вкусови.
На главната сцена на затворањето на првата вечер Ареа ги отпеаа хитовите „Сите слики“, „Фрекфенција на љубовта“ и уште многу други, на кои преполниот скопски плоштад пееше заедно со нив. Од сцената порачаа, да пееме и да ја славиме љубовта преку песна.
Убавото време и добрата журка ги намами скопјани да уживаат во добро друштво и чаша пиво.
Со настапот на Лара Ивановска на Крафт сцената и Дј Мац на главната, започна фестивалот на пивото во Скопје, Пиволенд.
На првата вечер настапија и реге бендот Конкоринг лајн, рок бендот Шајн, како и македонските бендови Последен Удар, Тотално Опуштање и Преку Ред.
Пиволенд продолжува и вечерва, а во следните денови настапи ќе имаат ДНК, Фанк Шуи, Архангел, Фолтин, Баклава, Игор Џамбазов и Гуру Харе.
