Македонскиот актер Игор Џамбазов пред неколку дена отвори профил на „Инстаграм“, а меѓу првите објавени фотографии е црно-бела слика со неговата сестра Тања, фотографирана кога биле деца. „Тања и јас“, напиша Џамбазов.
Освен сликата со сестра си, популарниот актер деновиве објави и фотографии од концертот на „Нокаут“, од снимањето на „Преспав“, најава за претставата „Брачна игра“ со Весна Бејби и уште неколку приватни и професионални слики. До неодамна Џамбазов немаше инстаграм, а кога медиумите пред еден месец пишуваа дека е пренесен во болница на итна операција, тој во јавноста се огласи преку инстаграм-профилот на „мајка ти и татко ти“.
