Кјара Гоља, ќерката на поранешната водителка Хелена Роза, рекламира долна облека за познат моден бренд од Нов Зеланд. Кјара позира со уште една девојка, а сликите од фотосесијата ги објави Хелена, која не крие дека е горда на својата ќерка.
„Мојата убавица“, напиша Хелена, за ќерката која ја има од првиот брак со адвокатот Арбен Гоља.
Не е прв пат Кјара да слика модни фотографии. Таа и претходно работела како модел, исто како и нејзината мајка. Додека беше водителка во Македонија, Хелена често имаше фотосесии, а дел од нив беа и по долна облека.
За потсетување, Хелена пред шест години се пресели на Нов Зеланд со сопругот Игор, синот Тиан и ќерката Кјара. Оттогаш ретко доаѓа во Македонија, но вели дека ѝ недостига семејството, мајка ѝ Роза и сестра ѝ Ребека.
