Македонскиот пејач Филип Пешевски го промовираше спотот за песната „Ти ми стоиш најдобро“. Песната Филип ја промовираше пред новогодишните празници во познат скопски клуб, па на самата промоција се снимаше и дел од видеото. Интересно е што во песната Филип го придружува „Баги Биг Бенд“, составен од професионални музичари и диџеј Сењорита.
„Првпат некој прави песна во која свири и ‘Баги Биг Бендот’ и има диџеј. На песната работев една и пол година, а во неа се вклучени најдобрите музичари и продуценти од Македонија“, ни раскажа Филип.
Пешевски е автор на музиката, текстот го напиша Елвир Мекиќ, а аранжманот е на Никола Автовски.
