Гордон Мартин Стејскал, кој музички настапува и објавува под артистичкото име GOKO објави летен хаус албум за на плажа.
GOKO веќе повеќе од 10 години активно се занимава со музичка продукција, а деновиве го објави својот осми студиски албум, насловен „Chilling On A Beach“ – 13 внимателно продуцирани траки со chill house атмосфера, совршено дизајнирани за летниот период.
Овој албум е создаден како придружба на топлите денови, плажите, вечерните дружби и сите моменти што бараат добра, смирена и енергетска позадина.
„Се обидувам да направам навика од редовно објавување – на секои еден до два месеца по еден целосен албум, и „Chilling On A Beach“ е врвот на тој мој процес досега“, вели GOKO.
