Музичарот Петар Георгиевски Камиказа, кој беше кандидат за градоначалник, објави фотографија со голи гради, а на нив ликовите на Апасиев и Заев. Вели дека ова му го направиле на фотошоп оние кои сакале да се шегуваат на негова сметка додека ја водеше кампањата за градоначалник.
„Ќе цртате некој друг? Или? Имам намера да ги бришам тетоваживе. П.С. Ова е мало потсетување на црната кампања. Ова ми го цртале за време на кампањата, некои многу креативни ботчиња. Пак ја утнавте а?“, напиша музичарот од култната „Меморија“
„Заев и Апасиев завршија на градите на Камиказа и сега му е конкуренција на бате Геле кој си го нацрта Мијалков“, пишуваат на социјалните мрежи.
Ваква слична тетоважа, ама вистинска, имаше штипјанецот Ангеле Зафировски, или бате Геле, којшто за медиумите уште во 2014 година тврдеше дека најголем идол во животот му е Сашо Мијалков па го нацрта на гради. Подоцна бате Геле беше уапсен како првиот човек којшто го нападна Зоран Заев, за време на насилствата во Собранието, на 27 април.
(Р.Р)
