Кога Џенифер Анистон ги снимала последните сцени од култната серија „Friends“, Бред Пит за тоа време го снимал „Mr. & Mrs. Smith“ со Анџелина Џоли.
Многумина во тоа време велеа дека Бред и Анџелина се одличен пар, а двајцата подоцна признаа дека се заљубиле еден во друг и јавно ја обелоденија нивната врска. Во јануари 2005 година, Џенифер и Бред објавија дека се разведуваат. Неодамна се појави едно заборавено интервју на „Vanity Fair“ во кое Анистон била скршена откако новинарот ѝ ги пренел гласините дека Анџелина е бремена. Тоа се случило во септември 2005 година, пред официјалниот развод на парот.
Новинарот опишал дека Џенифер изгледала како „некој да ја пробол во срце“ и плачела во тишина неколку минути. Била премногу повредена за да одговори и само одмавнала со главата.
На прашањето дали верува во гласините дека Џоли е бремена, Џенифер одговорила дека одлучила да му верува на поранешниот сопруг. Бред ѝ велел дека сака да сфати што сака од животот како самец и дека не станува збор за друга жена, но подоцна бил фатен на плажа со Анџелина и нејзиниот син Медокс.
„Би била робот кога би рекла дека немаше моменти кога чувствував бес, повреденост и засраменост. Не знам што се случило. Има многу нешта кои не ги разбирам, многу нешта кои не ги знам и кои никогаш нема да ги дознаам. Морам да мислам дека од некоја причина сум го привлекла ова во мојот живот. Морам така да размислувам, инаку сето тоа е едноставно сурово“, рекла Анистон.
Актерката во една прилика изјави дека е среќна и благодарна што го искусила бракот со Пит и дека засекогаш ќе го сака, а тој подоцна се ожени со Анџелина со која има 6 деца. Парот се разведе во 2016 година и сè уште води битка околу старателството.
