Фановите се збогуваат со Дејвид Линч: „Никој никогаш не го разбра светот како тој“

По повод смртта на легендарниот американски режисер и сценарист Дејвид Линч (78), голем број обожаватели се збогуваат со него на социјалните мрежи.

„Почивај во мир. Легенда во секоја смисла на зборот. Неговото влијание врз киноматографијата и уметноста никогаш нема да се заборави“, напиша некој на Икс покрај објавените сцени од неговите филмови.

„Тој беше вистински визионер и уметнички гениј“, додаде еден фан.

„Никогаш нема да има некој како тебе“, напишал еден од неговите обожаватели, додека друг додал: „Инспириравте многумина“.

„Секогаш ќе ја сакам твојата работа“, „Ти благодарам за твојата уметност“, „Никој никогаш не го разбрал светот како Дејвид Линч. Само да ни го покажеше она што го виде“, „Тој секогаш изгледаше како еден од оние момци кои едноставно не може да умре, како тој концепт да му е туѓ“, се нижат коментари од тажни обожаватели.

Легендарниот американски режисер Дејвид Линч, оскаровец и креатор на култната серија Твин Пикс, почина на 78-годишна возраст. Неговото семејство на социјалните мрежи ја објави тажната вест за неговата смрт.

„Со длабока тага ние, неговото семејство, ја објавуваме смртта на човекот и уметник Дејвид Линч. Би ценеле одредена приватност во овој момент. Има голема празнина во светот сега кога тој повеќе не е со нас“, се вели во објавата на Фејсбук.

Поврзани вести

Scroll to Top