Поп-дивата Калиопи Букле објави колаж селфи фотки на својот Фејсбук профил. Вели дека е среќна оти соништата почнале да ѝ се остваруваат. Во моментов таа е во Македонија, по постојаните концерти и промоцијата на песната со Жељко Самарџиќ кој ги имаше низ градовите во Србија.
„Соништата се остваруваат кога ќе престанеме да сонуваме и ќе почнеме да веруваме“ вели поп-дивата.
За потсетување, Калиопи Букле и Жељко Самарџиќ во Скопје ја претставија својата дуетска песна „Знам“, во „Аудиокултура“ во Тафталиџе пред неколку месеци. И ова беше прва дружба на Калиопи после подолго време со македонските новинари.
Песната „Знам“ ја напиша бившиот сопруг на Калиопи, Ромео Грил, со кој таа остана во супер односи и по разводот. Со голема љубов зборуваше за Ромео, за нивната соработка и за синот Пако.
„Јас и Ромео сме многу блиски, и тоа не е тајна. Се немавме видено три години, иако сме постојано во контакт. Ние сме цивилизирани луѓе и сме во одлични односи. Јас сум многу блиска со неговата жена, па не само што се дружиме, туку таа има клуч од мојот стан“, раскажа Калиопи за Репортер.мк
