Принцезата од Велс, Кејт Мидлтон, заедно со нејзиниот сопруг принцот Вилијам и британскиот крал Чарлс денеска присуствуваат на годишната церемонија во чест на припадниците на британската армија кои загинаа во двете светски војни.
Чарлс положи венец на кенотафот во Лондон и водеше двеминутно молчење во спомен на загинатите во двете светски војни, како и на оние кои загинаа во други конфликти во кои беа вклучени британските и силите на Комонвелтот.
Бакингемската палата вчера објави дека кралицата Камила нема да присуствува на комеморацијата поради пневмонија.
Околу 10.000 ветерани денеска ќе парадираат во Лондон, кои ќе претставуваат 326 различни вооружени сили и цивилни организации.
