Викендов на Маврово концерт ќе одржат „Нокаут“ и „Светот на Биби“.
Македонскиот бенд ќе има концерт во сабота, 14 јануари од 20 часот во спортската сала Ресорт Маврово. Пред нив ќе настапат Никола Зац и Мелем, а по концертот на „Нокаут“ забавата ќе заврши со диџеј Чваре, Гоце Саф и „Фанки фреш“.
Во недела, 15 јануари, во спортската сала на Ресорт Маврово децата ќе може да се дружат со „Светот на Биби“. Концерт почнува во 11 часот, а влезот е бесплатен. Со концертот за деца, ќе се одбележи и Светскиот ден на снегот.
