Елтон Џон како и голем број други познати светски ѕвезди најави дека ќе го избрише „Твитер“ профилот, откако Илон Маск ја превзеде компанијата. Британскиот музичар во петокот го објави последниот твит.
„Целиот живот се обидував преку музиката да ги зближам луѓето. За жал сега гледам како дезинформациите се користат да не разделат“, објави Џон.
Пејачот во моментов ја одржува последната светска турнеја и објасни дека си заминува од „Твитер“ заради неодамнешната промена на политиката на компанијата.
„Одлучив повеќе да не користам „Твитер“ заради неодамнешната промена на политиката. Мислам дека дезинформациите сега ќе цветаат без контрола“, објасни Џон.
Голем број од фановите му напишаа дека ќе им недостига, но и дека го разбираат. Други пак коментираат дека ова не му требало. Се јави и Маск.
„Ја сакам вашата музика. Се надевам дека ќе се вратите. Има ли некои особени дезинформации кои ве загрижуваат?“, го праша Маск.
Елтон е само еден од списокот на познати кои од неодамна го напуштија „Твитер“. Пред него своите профили ги избришаа манекенката Џиџи Хадид, спасувачката Шонда Римес, бившиот гитарист од составот White Stripes, Џек Вајт, глумицата Вуби Голдберг, музичарот Моби и многу други.
Глумецот и комичар Џим Кери се прости од „Твиер“ со кратка необична аинмација.
„Си заминувам од „Твитер“, но еве анимација која ја направив со мојот пријател Џими Хаувард. Се темели на мојата слика за луд, стар чувар на светилник кој стои гол среде бура и ги повикува анѓелите и со својата лампа го осветлува патот за да не води низ ноќта. Сите ве сакам“, порача Кери.
