Софија Ричи е веќе позната по својот стил на тивок луксуз – и во модата и во убавината. Оваа „ит“ девојка често поставува трендови, па затоа не е ни чудо што светот ја гледа.
Неодамна, Софија Ричи објави краток туторијал за шминкање на TikTok во кој покажа како да постигнете неутрален, долготраен и безвременски изглед на усните во неколку едноставни чекори.
„Се вратив со краток туторијал за усни… Ми недостигаше“, напиша таа во описот на видеото, кое собра 2,5 милиони лајкови и бројни коментари за еден ден. Како што се очекуваше, многумина веднаш сакаа да ја дознаат тајната на нејзиниот изглед, како и производите што ги користеше. Прво, ги обложи усните со моливче за усни „Sacheu“, а потоа, откако се исуши, го отстрани вишокот со прстите и памукче.
@sofiagrainge Back with a quick lip and some chipped nails! Missed you guys 💕
Потоа нанесе „Bitten Lip Tint“ од Викторија Бекам во нијанса „Amour“, а сè заврши со кармин „Fenty Beauty Bomb Stix“ во нијанса „Blaz’d Donut“. Конечниот резултат, по користењето на овие три производи, е неутрална, мат нијанса со топол подтон – елегантен изглед што одговара на секој дневен или вечерен стил.
