Ивана Милошевска (21) од Велес е девојка која боледува од леукемија. Таа преку социјалните мрежи јавно побара помош за да го продолжи нејзиното лекување.
Таа вели дека во оваа битка се само таа и нејзината мајка, која заработува минимална плата и не може да го покрие нејзиното лекување.
„Веќе две години се лекувам од леукемија, поточно акутна миелоидна леукемија. Во рок од овие две години поминав низ многу тешки и неубави моменти кои не би ги посакала никому. Истовремено за овие две години научив и што е тоа човек да биде позитивен, да се бори за себе, ја сака и почитува својата фамилија, да живее вистински со љубов и да цени се што има“, ја започнува Ива нејзината животна приказна.
@milosevska23 Smetka za sonacii: 250500025238322 IBAN CODE: MK07250780007271386 #foryoupage #fyp #foryou #fypシ ♬ original sound – Iva23
Таа во видеото ги повикува сите оние кои ќе можат да донираат парични средства за да може да го продолжи лекувањето.
„Ова видео го снимам со цел и молба за јавна помош, сите оние кои имаат да донираат парични средства со кои би можела јас да го продолжам со своето лекување. Моето лекување, мојата болест како леукемија е излечена, но имам многу сериозни последици од неа кои траат многу подолго отколку што траеше самата болест. Како што гледате и моментално се наоѓам во болница, повеќе сум во болница отколку дома. Јасно ни е на сите дека леукемијата не се лекува туку така, посебно не за човек кој е трансплантиран од нероден донатор од човек кој не припаѓа и не е од моето семејство“, вели Ивана.
Сметка за донации: 250500025238322
IBAN CODE: MK07250780007271386
