Џерард Пике реагираше на новата песна на Шакира. Пејачката неодамна го промовираше спотот во кој му порача дека заменил „ферари“ за „твинго“, а тој ѝ врати на „Твитер“ со емотикон кој претставува циркус.
Колумбијката во новата песна ги исмеа Пике и неговата нова девојка, а фановите коментираа дека никогаш не била толку сурова кон бившиот и дека навистина сакала да го повреди со песната.
Пејачката и фудбалерот раскинаа во 2022 година по 11 години врска, од која имаат два сина – Милан и Саша. Набргу потоа Пике почна да излегува со новата девојка, Клара Чиа Марти.
Но, пред неколку дена во јавноста се појави видео од 2021 година, од семејниот дом на Шакира и Пике, на кое се гледа дека таму е и Клара. Видеото е направено десет месеци пред Пике и Шакира да раскинат, во време кога пејачката со синовите била во Америка.
За потсетување, бившиот фудбалер, капитен на Барселона и одбрамбен ифрач на Шпанија, пред два месеци се пензионираше. Сега работи на ново фудбалско натпреварување, во кое има нови необични правила. На него работи со колегите Серхио Аугеро и Икер Касиљас.
