Бела Хадид, Емили Ратајковски, Ешли Греам, Кара Делевињ, Карли Клос и други се појавуваат во овогодинешниот календар на Пирели кој има своја традиција од 50 години.
Познатиот календар произведен од компанијата за автомобилски гуми како корпоративен материјал ретко кој обичен човек може да го поседува, бидејќи наменет како подарок за истакнати клиенти и вип личности.
Овој пат во фотосесиите наменети за календарот има комбинација на гламурот на високата мода со раскошноста на голата фотографија.
Календарот на Пирели за 2023 година, снимен е од фотографката родена во Австралија, Ема Самертон, и насловен е „Љубовни писма до музата“. Сценографката е Вики Руч, а директорка на костими е Аманда Харлех, која случајно е поранешна муза на Џон Галијано.
За Самертон, чиј стил е многу експериментален, календарот на Пирели претставувал момент кога таа можеше да ги напушти комерцијалните ограничувања и наместо тоа целосно да се фокусира на уметноста преку целата работа, ретка можност во индустријата ориентирана кон профит.
Проектот се развивал во соработка помеѓу Самертон и секоја од 14-те жени. Додека нивните теми се нарекуваат „музи“, сликите ја разбиваат традиционалната динамика на уметникот-муза, не само што ги слават жените за нивната физичка убавина, туку и ги истакнуваат нивните уникатни внатрешни квалитети.
