Химната на една земја е исто толку важна како и нејзиното знаме. Химните се одраз на националната гордост и идентитет, тие најчесто се пеат во свечени прилики кога треба да им се оддаде посебна почит со став и однесување.
Има земји кои имаат химна, но истата нема текст односно е само инструментална. Таква е химната на Босна и Херцеговина, Сан Марино, Шпанија и Косово.
Босна и Херцеговина
Националната химна на Босна и Херцеговина се вика Интермецо и е прифатена како химна во 1998 година. Ја компонирал Душан Шестиќ од Бања Лука, а ако не сте запознаени, можеби повеќе ви е позната неговата ќерка, Марија Шестиќ, која ја претставуваше Босна и Херцеговина на Евровизија во Хелсинки во 2007 година со песната „Ријека без имена“. Бидејќи во Босна и Херцеговина живеат Бошњаци, Хрвати и Срби, потребна била таква химна што ќе ги вклучи сите. Така, Интермецо беше прифатен како заеднички состав. Иако во неколку наврати имаше иницијативи за додавање текст на босанската химна, тоа се уште се нема случено, па и нашите соседи се во посебен клуб на оние чија национална химна е само инструментална.
Шпанија
Шпанската национална химна се вика Марка Реал, а станува збор за композиција која се користела како почесен марш во текот на 18 век. Се изведуваше на свечени настани во присуство на кралското семејство и се смета за една од најстарите химни во светот. Не се знае кој е авторот, а гласината дека ја измислил Фридрих II, кралот на Прусија, на крајот се покажало како шпекулација. За оваа композиција биле напишани повеќе текстови, па самата химна била користена со текстот во неколку наврати и имало неколку верзии на химната. Сепак, било тешко да се најде текст кој ќе обедини земја во која има вечни тензии меѓу Каталонците, Баскијците и остатокот од Шпанија. Во 1978 година, последната верзија одобрена од националистичкиот водач и генерал Франциско Франко беше отфрлена, а денес шпанската химна официјално се изведува без текст.
Сан Марино
Без зборови ќе ве остави и химната на малата Република Сан Марино. Се вика Inno Nazionale, што во буквален превод е Национална химна и е компонирана од виолинистот Федерико Консоло, кој е одговорен и за една од најубавите сефардски мелодии што можете да ги слушнете во италијанските синагоги. Во 1894 година беше прифатена како национална химна. Иако италијанскиот поет Џосуе Кардучи напиша текст што го придружува, тој официјално не се изведува или пее на церемонии – само понекогаш во неформални средини или училишни училници. Исто како Сан Марино, оваа песна е кратка и се состои од само четири кратки строфи.
Косово
Како и химната на Сан Марино, химната на Косово има имагинативно име: Химна на Република Косово. Таа беше усвоена како национална химна во 2008 година, а беше избрана делумно затоа што не се однесува на одредена етничка група или политичка идеја – тоа би било тешка задача во земја на тензии. На самиот конкурс за државната химна беше забележано дека текстот може да се приложи, но дека химната најверојатно ќе биде без неа. Со него има и неофицијален текст, кој се однесува на доблестите на храброста, љубовта кон земјата и орлите како една од поетските слики и симболи. Химната ја компонираше Менди Менѓиќи, а меѓу другите натпреварувачи беше Ода на радоста, која денес е химна на Советот на Европа.
