Џенан Лончаревиќ викендов одржа солистички концерт за паметење во сараевска „Скендерија“, а по спектаклот изјави дека тоа е еден од најдобрите концерти што ги одржал, додека многумина од присутните рекоа дека тоа е пак еден од најемотивните концерти на кои присуствувале.
Обожавателите на неговите песни уживаа во тричасовниот концерт на кој тој изведе само дел од неговите хитови. На отворањето на настапот, со кој уште еднаш докажа дека е еден од најдобрите вокали во регионот.
На отворањето на концертот, ја отпеа: „Све мое љубави“, а потоа на репертоарот беа „Лоши години“, „Кад оставе те сви“, Лауфер“. Публиката во еден глас ги пееше и хитовите „Путничка“, „Добра ноќ“, „Верувај брат ти“, „Пијеш сине“, „Никоме ни реч“.
Обожавателите не сакале да ја напуштат полната Скендерија па го вратиле Џенан на бис, при што тој ги отпеал песните „Љубим у пролазу“, „Рано црна“, „Ти амо“.
Специјални гости на концертот беа Пеѓа Меденица, кој ја воодушеви публиката со хитовите „Доѓеш ми у сан“ и „Чисто да знаш“, и Дадо Полумента со кој Лончаревиќ го отпеа дуетот „Онаа што нема“ и Амил Лојо.
Публиката презадоволна си замина од Скендерија, посакувајќи да не чека повторно единаесет години на следниот голем концерт на Џенан Лончаревиќ, кој пак пресреќен од посетеноста и приемот на публиката рече: „ Се чувствувам возбудено и среќно. Благодарам, Сараево. Атмосферата беше феноменална. Ова е концерт кој дефинитивно ќе го паметам до крајот на мојот живот. Слободно можам да кажам дека ова е мојот најдобар концерт. Музиката е дел од мојот живот и битие, а кога имаш ваква публика, се е лесно. Ќе и останам верен на Скендерија и повторно ќе се вратам со душа и срце како што тие ме прифатија“- рече Џенан.
