Литванскиот фотограф Еугенијус Кавалиаускас објави слика од зумирано лице на мравка, а на социјалните мрежи велат дека сликата е страшна и личи на чудовиште од хорор филм. Фотографијата на Кавалиаускас беше дел од натпреварот Nikon Small World Photomicrography, чија цел беше да се прикажат детали од светот кои човечкото око не може да ги види.
Евгениј решил да го зголеми лицето на мравката петпати под микроскоп. Во интервју за магазинот „Инсајдер“ тој рекол дека оваа задача не му била тешка бидејќи живее во близина на шума.
„Главната цел на фотографирањето е истражување. Фасциниран сум од божјите ремек-дела и можноста да ги набљудувам. Кога првпат влегов во светот на микрофотографијата, мислев дека сите инсекти изгледаат малку како чудовишта, но во меѓувреме се навикнав на тоа“, кажал тој.
Иако фотографијата предизвика огромно внимание, тој не ја освои главната награда на споменатиот натпревар. Победници се Григориј Тимин и Мишел Милинкович, кои ја фотографираа раката на ембрион на џиновски дневен геко од Мадагаскар.
This ant’s face is giving me nightmares.
It’s a magnified view of an ant's face which was honored as an image of distinction in Nikon's 2022 Small World photo contest.
Source: Eugenijus Kavaliauskas/Nikon Small World pic.twitter.com/BgGnQJ7a9N
— Natasha Tynes 🇯🇴🇺🇸 (@NatashaTynes) October 19, 2022
