Гитарата што фронтменот на „Нирвана“, Курт Кобејн, која ја скрши на сцена, е продадена за речиси 600 илјади долари, објавија во саботата од аукциската куќа Julien’s. Оттаму велат дека очекувале да добијат десет пати помалку за инструментот.
Гитарата на крајот беше продадена во кафулето „Хард Рок“ во Њујорк за точно 595.000 долари, што аукциската куќа го прогласи за нешто неверојатно. Црниот Fender Stratocaster е повторно склопен, но веќе не може да се репродуцира. Гитарата го носи потписот на тројцата членови на култниот бенд: Кобејн, басистот Крист Новоселиќ и тапанарот Дејв Грол.
„На гитарата сè уште има пукнатини што ги направил Кобејн“, рече Коди Фредерик од аукциската куќа за агенцијата „Франс прес“.
„Кога беше на сцена и играше, Курт Кобејн беше машина. Беше лут и тоа се покажа особено во начинот на кој ракуваше со неговите инструменти“, рече Фредерик.
За потсетување „Нирвана“ е основана кон крајот на осумдесеттите во Вашингтон. Групата стекна популарност во 1991 година со објавувањето на нивниот втор албум Nevermind, кој беше продаден во повеќе од 30 милиони примероци.
Фронтменот на групата стана идол и глас на новата генерација, но во текот на животот се бореше со зависност и здравствени проблеми. Изврши самоубиство во Сиетл во април 1994 година, на 27 години.
