Илон Маск треба да им исплати 122 милони долари на тројцата отпуштени директори на Твитер 

Тројца врвни директори на Твитер отпуштени од новиот сопственик Илон Маск ќе добијат отпремнини во вкупна вредност од околу 122 милиони долари, соопшти истражувачката компанија „Еквилар“.

Маск ги отпушти извршниот директор на Твитер, Параг Агравал, главниот финансиски директор Нед Сегал и шефот за правни прашања и политика Вијаја Гаде, обвинувајќи ги дека го доведоа во заблуда него и другите инвеститори на Твитер за бројот на лажни сметки на платформата.

Компанијата Equilar, позната по истражувањето на компензацијата на извршната власт, како одговор на истрагата на Ројтерс го процени таканаречениот златен падобран на Агравал на 57,4 милиони долари, на Сегал на 44,5 милиони долари и 20 милиони долари за Гадеа. 

Агравал, кој претходно беше главен директор за технологија на Твитер, беше именуван за извршен директор во ноември минатата година. Неговата вкупна компензација за 2021 година беше 30,4 милиони долари.

Големите исплати на директорите на компаниите се вообичаени за време на трансферите на сопственост, но можат да бидат контроверзни. 

Директорката за истражување на Equilar, Кортни Ју, рече дека отпуштените директори на Твитер треба да ги добијат овие исплати освен ако Илон Маск немал причина да го раскине нивниот договор, а причината во овие случаи е обично тоа што тие го прекршиле законот или политиката на компанијата.

Scroll to Top