Кардиохирурзите од Ниш работеа 12 викенди постојано за пациентите да не мора да бидат ставани на листа на чекање. По речиси 100 дена работа и 12 последователни работни викенди, персоналот работел без паричен надоместок. Од клиниката за кардиохирургија во Ниш рекоа дека ја постигнале целта.
„Успеавме да ја елиминираме листата на чекање“, рекоа од болницата на Ниш и објаснија дека наместо листа за чекање, формирале листи за закажување и пациентите не мораат повеќе да чекаат за операција од четири до шест месеци, туку од седум до 15 дена.
Вработените во клиниката работеле за викенди и не побарале никаков паричен надоместок. Рекоа дека единствена цел им била да ја намалат листата на чекање.
Еден од лекарите на социјалните мрежи сподели дека во тие 100 дена биле направени вкупно 248 операции, а минатата година за истото време биле направени 117 операции.
Само во март биле извршени 98 операции. Бројот на хоспитализирани лица во првите три месеци од годината лани бил 145, а оваа дури 353. Бројот на амбулантни прегледи за периодот јануари-март годинава изнесувал 3.014, а минатата година 1.467.
