Долгоочекуваната приквел серија на „Игра на тронови“, „Куќата на змејот“, доби втора сезона по само една епизода. Најновата серија на „Ејч-би-о“ до сега има само две епизоди, но тие ги срушија рекордите на гледаност, а втората епизода е уште погледана од првата.
Заснована врз книгата на Џорџ Р. Р. Мартин „Оган и крв“, серијата се случува 200 години пред настаните во „Игра на тронови“ и се фокусира на семејството Таргаријан.
„Ејч-би-о“ објави дека гледаноста на втората епизода била поголема за 2% во однос на премиерата, која ги урна рекордите на оваа ТВ-мрежа. Оваа епизода привлекла 10,2 милиони гледачи, додека 9,986 милиони ја гледале првата епизода, која за една недела собрала речиси 25 милиони прегледи.
Фановите се воодушевени од серијата, а единствената замерка е на изгледот на змејовите, за кои, велат. очекувале дека ќе бидат пограндиозни.
