Лионел Меси по вторпат во кариера ја освои наградата ФИФА Бест, за најдобар фудбалер во 2022 година. Аргентинцот доби повеќе гласови од неговиот соиграч во Пари Сен-Жермен, Килијан Мбапе и ѕвездата на Реал Мадрид и освојувач на „Златната топка“, Карим Бензема.
Меси во 2022 година ја освои титулата во француската Лига 1 со својот ПСЖ и Мундијалот во Катар со што ја оствари најголемата желба со Аргентина да стане светски шампион.
Селекторот на Аргентина Лионел Скалони, е прогласен за најдобар тренер, а Емилијано Мартинез е најдобар голман на светот. Аргентинските навивачи ја добија и фан-наградата.
Фудбалерката на Барселона, Алексија Путелјас, повторно е прогласена за најдобра фудбалерка на светот. Таа постигна 34 гола во сите натпреварувања за Барселона за тројна титула и е првата фудбалерка која освојува две Бест награди.
