Младиот колумбиски фудбалер Андрес Баланта, почина за време на тренинг, пренесоа светските медиуми. Баланта кој играше за аргентинскиот прволигаш Атлетико Тукумана колабирал среде тренинг, а лекарите неуспешно се обиделе да го реанимираат. Засега официјалната причина за неговата смрт не е позната.
Многумина се сомневаат дека голем удел имало и времето, затоа што со неговите соиграчи тренирале на 36 степени при голема влажност на воздухот. Ова не е првпат Баланте да колабира на терен. Слична ситуација се случила и во 2019 година, кога се онесвестил поради ниското ниво на глукоза во крвта.
За потсетување, покрај Тукумана, беше дел и од младинската репрезентација на Колумбија.
