Канадскиот рапер Пет Стеј почина на 36 години откако беше избоден со нож. Мотивот за убиството за сега не е познат, пишуваат локалните медиуми. Полицијата соопшти дека по инцидентот Пет бил итно пренесен во болница, каде што починал.
Еден ден пред убиството, раперот ја промовираше новата песна Warm up.
Тој на Инстаграм една недела пред убиството објави порака во која вели: „Замислете со сите наши пријатели и сакани да се однесуваме како да знаеме дека деновите им се одбројани“, па многумина преку социјалните мрежи коментираат дека Стеј ја претчувствувал смртта.
