Утре во Скопје ќе се одржи осумнаесеттото издание на Виз Ер Скопски маратон на кој ќе се трча полумаратаон, штафетен маратон и трката на пет километри.
Пријавени се 8.500 учесници од 47 земји од целиот свет.
„Новата патека е измерена од меѓународен лиценциран мерач и се здоби со А сертификат од АИМС и Светската атлетска федерација. Целта е на плоштадот Македонија. Учесниците на трката на пет километри ќе тргнат од Рекорд во правец на Аеродром, додека тркачите на маратонот, полумаратонот и штафетниот маратон ќе стартуваат од болницата ‘Св. Наум Охридски‘, па преку плоштадот продолжуваат преку улицата Теодосиј Гологанов кон Хром“, рече директорот на Кире Синадиновски.
