Хрватскиот пејач Петар Грашо ќе одржи концерт во „Интермецо“ во Скопје на 30 ноември. И овој пат пред македонската публика тој ќе ги испее неговите најголеми хитови: „Ако те питају“, „Уторак“, „Ко нам брани“, „Требам некога“, „Волим и постоим“ и уште многу други.
„Скопје ми е омилена дестинација и сум настапувал во сите концертни сали. Но, за мене особено инспиративен и голем предизвик е настапот кога можам да бидам блиску до мојата публика. Во Скопје секогаш се чувствувам убаво“, вели Грашо за настапот во Скопје.
