Почина бившата евровизиска ѕвезда од Ирска, Рој Тејлор. Тажната вест ја објави семејството кое рече дека починал по борбата со болеста на моторните неврони. Тие веста ја објавија и на социјалните медиуми на неговата добротворна оранизација Watch Your Back MND
Рој се прослави со неговиот бенд Jump the Gun, со кој учествуваше на Евросонг во 1988 година и го освои осмото место. Отворено зборуваше за својата болест и објави бројни песни со кои собираше средства за истражување на ваквата состојба.
Ваквата болест претставува ретка состојба која бавно ги оштетува деловите на нервниот систем, што доведува до слабост, а со време и целосна дисфункционалност на мускулите.
„Со длабока тага сакаме да ја објавиме смртта на нашиот татко и херој, Рој Тејлор. Низ својата заразна позитивност во последните неколку години, постигна многу во борбата против MND. Неверојатен татко и личност и неверојатен музичар“, напишаа неговите деца.
