Антигва и Барбуда, земјите од Комонвелтата и поранешната колонија на Британската империја, ќе одржат референдум за да станат републики и да го сменат кралот Чарлс Трето од местото шеф на државата. Ова го најави премиерот Гастон Браун.
Браун во интервју за британски ITV рече дека ова е прашање на кое мора да се изјасне народот на референдум и да самиот да одлучи за нивната иднина.
„Ова не е чин на непријателство или било каква разлика меѓу Антигва и Барбуда и монархијата, но тоа е последниот чекор да се заокружи кругот на независност, за да се осигураме дека навистина сме суверена нација“, рече Браун.
Додаде и дека гласањето веројатно ќе се одржи во наредните три години. Кралот Чарлс Трети е монарх и шеф на 14 земји, држави, надвор од Велика Британија, вклучувајќи ги и Антигва и Барбуда.
Неговата улога главно е симболична, но смртта на кралицата Елизабета Втора во четвртокот, покрај меѓународна жалост, предизвика и обновување на расправата за ситуацијата со британското империјалистичко владеење и идните односи меѓу Обединетото кралство и некои од овие земји.
На пример, пишувајќи за „Инсајдер“, кенискиот писател Патрик Гатар ја опиша британската монархија, а со тоа и владеењето на покојната кралица, како изграден систем и постојан напор да се избрише вистината за колонијалното потчинување и грабеж.
Додал и дека со повлекувањето на Обединетото кралство од било придружено со уништување, кражба и прикривање на огромни купишта документи, со детали за ужасното, систематско злоставување и убивање затвореници за време на воената состојба во Кенија во 1950-тите.