На околу 200 километри од Рим ве очекува „Кастел ди Сангро“, историско гратче во кое се наоѓа еден од најдобрите ресторани во Италија.
Западно од Рим, на надморска височина од 800 метри, се наоѓа „Кастел ди Сангро“, мало гратче во Абруцо, кое изгледа како временска машина во средниот век.
Цивита, историскиот центар на градот, крие остатоци од замок и утврдени куќи од 16 век. Овој историски кварт се наоѓа на највисоката точка во градот и е идеална почетна точка за истражување. Но, самиот град и неговата околина се совршено место за оние кои бараат одмор од прометните римски улици, природа, истражување на историската архитектура, шетање низ живописните улички и, за многумина, најважното – уживање во храна со врвен квалитет.
„Кастел ди Сангро“ најдобро е да се открие пеш бидејќи најдобро се запознавате со шарените цркви, палати и историски градби, но можеби најпознатото место во градот е поранешниот манастир од 16 век, во кој денес се наоѓа еден од најдобрите ресторани во Цивита „Ресторан Реале“, со дури три „Мишелин ѕвезди“ и престижната награда „Гамберо Росо“ за најдобар италијански ресторан, местото вреди да се забележи благодарение на виртуозниот готвач Нико Ромито, чија гастрономска мисија е да го редефинира разбирањето на италијанската кујна, месо или риба.
Во 14 вегетаријански јадења зеленчукот, како карфиол, брокула, цвекло, артичок, кромид и компир, игра главна улога. Зад јадењата со едноставни имиња, како супа од компир, гратин од карфиол или артичок и рузмарин, се кријат ремек-дела на гастрономијата. Цената на ваквото мени е 200 евра, но можете да нарачате и a la carte специјалитети како пастрмка со лавор и бадеми, јагула со лимон, лук и чили, јагнешко со сенф и анасон или гулаб со ф’стаци.
„Преку интензивно истражување, често фокусирано на занемарените состојки и техники, Нико Ромито е пионер во она што тој го нарекува италијанска храна на утре. Очекувајте прецизни чинии со минимална презентација, но остар вкус“, пишува „Најдобрите 50 ресторани на светот“, кои оваа година го рангираа „Реале“ на 15-то место меѓу најдобрите ресторани во светот.
