Рокенрол мјузил направен на музиката на рок бендот „Архангел“ ќе се одржи во МНТ. „Архангелот над Скопје“ е насловот, а приказната зборува за животот на градот Скопје во периодот на неговото созревање од деведесетите години на минатиот век па се до денес.
Мјузиклот ќе се одржи на 24 -ти декември на големата сцена на Македонскиот Народен Театар.
„Урбаниот скопски живот ќе се прикаже преку животот на транзиционите деца кои сакаат да направат промена во културно општествениот живот наспроти баналната стварност која ги фрла на маргините на општеството“, информираат од МНТ.
Музика, лирика и текст е на Ристо Вртев, режија и дизајн на Наташа Поплавска. Учесници во мјзуиклот се прима балерината Мирјана Поп-Алексова, додека од актерската екипа Нина Елзесер, Стефан Спасов, Јована Спасиќ, Антонио Ташковски, Ања Митиќ, Лазар Христов, Ана Грамосли, Гоце Андонов и други.
Билетите можат да се купат на билетарницата на Македонскиот народен театар која работи од 12 до 20 часот, како и онлајн преку веб страницата www.mnt.mk
