Мали, тркалезни и малку лепливи колачи од ориз наречени Мочи се популарни во Азија, во кои знаат да уживаат и Европејците.
Мочи има во неколку варијанти, најчести се даифуку – тркалезни колачи исполнети со различни состојки како традиционална паста од грав, црн сусам, кикирики, па дури и сладолед.
За да биде што попривлечно, често се бојадисува со бои за јадење. Бидејќи тестото се прави од оризово брашно со неутрален вкус, Мочи се служи и со солени јадења, најчесто супи и грицки.
Подготовката на Мочи започнува со долгиот процес на мелење ориз варен на пареа или во вода, обично од сортата мочигоме, а потоа се обликува во густа и хомогена смеса, која потоа се тркала и се обликува во топчиња.
Иако наводно потекнува од Кина, Мочи се поврзува со Јапонија со векови. Првично се појавиле за време на периодот Јајои, железното време кога во него уживале само богатите, и бил омилен до периодот Хејан, последниот период од класичната јапонска историја, кој се смета за врв на културата, кога најчесто се подготвувале и се служеле за време на верски церемонии бидејќи луѓето верувале дека тоа носи среќа и здравје.
Омиленото слатко на многумина им донесе нешто сосема спротивно – гушење и смрт, најчесто за време на новогодишната прослава во Азија.
Поради својата гумена и леплива текстура, треба да се јаде особено внимателно, во мали залаци, за да се избегнат несреќи. Според јапонските медиуми, повеќето од оние кои итно се префрлени во болница поради гушење од Мочи се луѓе на возраст од 65 или повеќе години, но може да бидат погодени и деца. Секоја година, колачите од ориз одземаат повеќе животи. Ако одлучите да пробате Мочи, кое може да се купи и во азиски продавници за храна, џвакајте го добро и полека.
