Уметничка пливачка спасена од давење на Светското првенство во Будимпешта

Американската тренерка Андреа Фуентес ја спасила пливачката Анита Алварез од давење за време на Светското првенство во Будимпешта. Ја извлекла од дното на базенот откога престанала да дише и потонала. Пливачката била однесена на носилки, а од тимот рекоа дека сега е добро.

Ова е вторпат како ѝ се случува вакво нешто на Алварез. Таа се онесвестила и минатата година за време на олимписките квалификации во Барселона. Истот така, и тогаш ѝ беше дадена прва помош на самотот место.

„Анита е во ред. Лекарите ѝ ги проверија сите витални функции и сè е нормално“, изјави Фуентес.

Шпанскиот весник „Марка“ објави дека Фуентес скокнала во базенот зашто спасувачите не реагирале.

Scroll to Top