Фудбалерите на Болоња отидоа да го посетат својот тренер, Синиша Михајловиќ во болницата каде се лечи од леукемија. Тие го изненадија под прозорот со аплауз и песна.
„Како сте?“, ги праша Михајловиќ на што тие му одговорија дека се добри.
„Уморни, но и среќни по победата над Интер“, му одговори Лоренцо Де Силвестри.
Болоња го победи Интер со 2:1 и го симна од првото место на табелата во италијанското првенство и му направи проблеми во битката за титулата.
За потсетување, откако тренерот им е во болница и тоа по втор пат на лекување од леукемија, Болоња нема пораз на сите пет меча. Болоња во последните пет кола одигра нерешено со Јуве, Милан и Удинезе и ги победи Сампдорија и Интер.
This is beautiful. The Bologna players go visit Mihajlovic at his hospital after winning a huge match against Inter yesterday pic.twitter.com/rFz0QNjJaF
— Italian Football TV (@IFTVofficial) April 28, 2022
