Војник кој присуствуваше на почесната церемонија за крунисувањето на Чарлс Трети во замокот Кардиф во Велс, падна во несвест, а потоа беше собран од двајца војници и онесвестен одвлечен низ калта.
Војникот е припадник на 104. полк на кралската артилерија кој за време на кралската церемонија во чест на крунисувањето на кралот Чарлс се онесвести и падна со глава во калта. Беше на самиот крај од редот и му падна и капата. Војниците мироно стоеа и продолжија со церемонијата, пред двајца војници да стигнат до онесвестениот маж и да го подигнат, а потоа го однесоа на страна.
A soldier fainted during Coronation proceedings at Cardiff Castle, ahead of a ceremonial royal gun salute carried out by the 104 Regiment Royal Artillery. pic.twitter.com/tnNJPbkGQ8
— GB News (@GBNEWS) May 6, 2023
Видеото се споделуваше на социјалните мрежи, а многу корисници на Твитер изразија сочувство за војникот, додека други напишаа дека сигурно ќе му дадат смешен надимак по својот колега.
Сличен инцидент се случи и во септември минатата година кога војникот кој го чуваше ковчегот на кралицата Елизабета падна во несвест, а подоцна беше откриено дека колабирал од исцрпеност.
