Иако не постои правило кое одговара на сите за вистинскиот број светла, бидејќи тоа најмногу зависи од личните преференци, постојат некои упатства кои можат да ви помогнат.
Одредувањето колку светилки ви се потребни за вашата елка зависи од голем број фактори. Прво зависи од висината на вашето дрво. Исто така, различни луѓе имаат различни вкусови, па така е и кога е елката во прашање.
Некои сакаат премногу светол изглед, додека други сакаат фокусот да биде на украсите наместо на светлата.Сепак, да откриете колку светилки ви се потребни за вашата елка има неколку едноставни упатства.
Карин Лидбек-Брент, професионална стилистка која во текот на својата кариера украсила повеќе од илјада новогодишни елки, го открила одговорот на тоа прашање.
„Навистина нема тешки и брзи правила. Многу зависи од личните преференции. Просечниот човек обично има дрво од 182 см. Значи, општо правило што треба да се запамети е дека на секои 30 cm користите една жица со светла. Претпочитам жица со 150 светла“, изјавила Карин.
Дознајте колку е високо вашето дрво и употребете една низа со околу 150 светла на секои 30 см. Ако користите жици подолги од просечните, соодветно прилагодете го бројот на светилки. И, се разбира, ако минатата година украсивте дрво со слична висина и ви се допадна финалниот изглед, држете се до бројот на светилки што сте ги користеле тогаш.
Лидбек-Брент користи повеќе светла за новогодишни елки од просечниот човек, но за секој случај, таа препорачува да купите дополнителни светилки ако одлучите да ставите повеќе.
Вистинската количина е обично 150 светилки по низа, но можете да купите и новогодишни сијалички со повеќе светилки по жица – така што 200 светилки по низа би биле најдобро ако сакате многу светло дрво, додека за помалку блескав изглед, изберете ги оние со 100 светла, пишува Real Simple.
