Железничка линија во Украина ќе биде преименувана во „Стефанија експрес“ по победничката песна на Евросонг

Украинците ќе преименуваат железничка линија во „Стефанија експрес“, по победничката песна на Евровизија отпеана од „Калуш оркестра“.

Шефот на железничката служба на Украина најави дека возот со број 43 што сообраќа од Киев до Ивано-Франковск ќе се преименува во „Стефанија експрес“, а секогаш кога возот ќе застане на железничките станици во Киев и Ивано-Франковск, во позадина ќе биде пуштена победничката песна „Стефанија“.

Украинскиот бенд „Калуш оркестар“ триумфираше во Италија во саботата со песната „Стефанија“, која е спој на рап и традиционална народна музика и е посветена на мајката на фронтменот на бендот, Олех Псиук. Но како што тие информираа, откако започнала војната во Украина, смислата на песната добила поинаков правец, односно ја посветуваат на Украина како мајка земја.

Бендот објави и нов спот за победничката песна, во кој Украинки спасуваат деца од гранатирани и уништени градови.

Scroll to Top