Лејди Гага и нејзиниот свршеник Мајкл Полански станаа родители на девојче, а сега се објавени и името и деталите за раѓањето на нивното прво дете.
Според изводот од матичната книга на родените до кој дошол порталот TMZ, девојчето се вика Роуз Бин Полански (Rose Bean Polansky). Таа е родена на 9 јуни во 23:19 часот во медицинскиот центар „Седарс-Синај“ во Лос Анџелес.
Лејди Гага и Полански засега не ја коментирале веста, а не се огласиле ниту нивните претставници. Двојката успеала неколку месеци да го задржи раѓањето на детето далеку од јавноста.
Името Роуз е поврзано со „A Star Is Born“
Извор за магазинот People тврди дека името Роуз било инспирирано од песната „La Vie En Rose“, која Лејди Гага ја изведе во филмот „A Star Is Born“ од 2018 година.
Пејачката и претходно ја покажала својата поврзаност со оваа песна. На грбот има голема тетоважа од роза со долго стебло, покрај која се испишани зборовите „la vie en rose“.
Медиумите наведуваат дека и средното име Бин има посебна симболика. Се претпоставува дека тоа е посвета на активистот Карл Бин, чија животна приказна била една од инспирациите за хитот на Гага „Born This Way“.
Првата семејна прошетка далеку од Холивуд
На 11 септември Page Six објави дека Лејди Гага и Мајкл Полански тајно го добиле своето прво дете. Набргу потоа беа објавени и фотографии од нивната семејна прошетка во Северна Калифорнија.
На фотографиите, пејачката, чие вистинско име е Стефани Џоан Анџелина Џерманота, го носела новороденчето блиску до градите, додека покрај неа оделе Полански и нејзината агентка.
Извор близок до двојката изјавил дека 40-годишната Гага и 42-годишниот претприемач во текот на летото направиле пауза од професионалните обврски за да му се посветат на бебето.
„Двајцата блескаат кога зборуваат за родителството“, навел изворот, додавајќи дека Полански изгледал посреќно и поопуштено откако станал татко.
Гага долго време посакувала да стане мајка
Светската музичка ѕвезда во голема мера се повлече од јавноста по завршувањето на турнејата „Mayhem Ball“ во април. Пред семејната прошетка, последен пат била забележана во август, кога се фотографирала со обожавател во Северна Калифорнија.
Гага и порано отворено зборуваше за желбата да основа семејство. Во интервју за Rolling Stone во ноември 2025 година изјави дека најмногу од сè сака да стане мајка.
Таа тогаш порача и дека Полански ќе биде „прекрасен татко“ и откри дека двајцата со голема радост размислуваат за заедничко семејство.
Лејди Гага и Мајкл Полански се во врска од 2019 година, а свршувачката ја потврдија за време на Олимписките игри во Париз во 2024 година. Во март годинава пејачката изјави дека наскоро планираат да се венчаат, додека во последниот период се појавија и гласини дека можеби тајно склучиле брак. Двојката досега не ги потврдила ваквите шпекулации.
