Легендарниот дански фудбалер, Брајан Лаудруп (51), по десет години, целосно се излекува од рак. Тој вчера на социјалните мрежи напиша дека ја победил болеста.
„По 10 години прегледи и третман, денес објавувам дека конечно го победив ракот“, напиша Лаудруп.
Тој е еден од најголемите дански фудбалери во историјата на оваа земја. Кариерата ја помина во многубројни клубови, меѓу кои „Баерн Минхен“, „Фиорентина“, „Челси“ и „Ајакс“. Цели 11 години Лаудруп беше дел од селекцијата на Данска, со која во 1992 стана европски шампион.
