Чави Ернандез е новиот селектор на Барселона. Ова синоќа го објавија од каталонскиот клуб, откако претходно успешно ги завршија преговорите со катарскиот клуб Ал Сад.
Поранешниот играч од средниот ред на Барселона потпиша договор во кој на Камп Ноу ќе остане во наредните 2,5 години. Потоа постои опција и за продолжување на договорот.
Официјалната презентација на Чави како нов тренер на Барселона ќе биде во понеделник, а тој денеска пристигнал во Каталонија каде ќе се подготвува за новиот предизвик.
При пристигнувањето, Чави за шпанските медиуми ја дал и првата блиц изјава со која потврди дека е среќен со враќањето во својот дом.
Xavi Hernández returns home 6 years after his goodbye from Camp Nou 💙❤️
— FC Barcelona (@FCBarcelona) November 6, 2021
