Медал од првите современи Олимписки игри е продаден за 65.625 американски долари на интернет-аукција. Медалот го освои грчкиот класичен борач Георгиос Цитас, кој заврши втор на турнирот во борење во Атина во 1896 година.
Наградата е изработена од бронза и тежи 60 грама. Првенците добија медали од сребро, маслинова гранка и диплома. Оние што завршија на второ место, добија медал од бронза и мед, гранче на лавор и диплома.
Медалот го дизајнираше францускиот скулптор Жулс Клемент Шапнел. На аверсот на медалот е прикажан портрет на грчкиот бог Зевс кој во својата дланка ја држи божицата на победата Нике.
На задната страна се наоѓа Акрополата во Атина и античкиот грчки храм на Партенон, а на периферијата на медалот стои натписот „Меѓународни олимписки игри во Атина, 1896 година“.
Медалот е придружен со копје на покана од тогашниот грчки крал Георгиос Први, со која монархот ги покани блиските до него да присуствуваат на посебен настан за да го прослават успехот на 24-годишниот борец.
Цитас е еден од петте спортисти од четири земји кои учествуваат на турнирот во борење.
Во полуфиналето Цитас го совлада сонародникот Стефанос Кристопулос, а во финалето загуби од претставникот на Германското царство Карл Шуман. Тие се бореа 40 минути пред да биде прекинат мечот поради доцните часови и недостаток на видливост. Битката беше продолжена рано следниот ден, а кратко време по рестартирањето загуби претставникот на домаќините.
