Валентино Роси позитивен на коронавирус

By

Деветкратниот светски шампион Валентино Роси е позитивен на коронавирус, пренесуваат светските медиуми.

Тој ќе биде првиот Мото ГП-возач што ќе пропушти трка поради позитивен тест на Ковид-19.  Докторот потврди дека нема да се трка овој викенд во Арагонија, а не е сигурен ниту за следниот викенд на истата патека.

Роси потврди дека сам побарал да биде тестиран на Ковид-19 бидејќи имал мала треска кога се разбудил во четвртокот. Брзиот тест бил негативен, но стандардниот го потврдил позитивниот тест во 16 часот попладне.

Отсуството на италијанскиот ветеран од Арагонија следува откако шест инженери на неговиот тим, вклучувајќи го лидерот на М1-проектот, Такахиро Суми, ја пропуштија трката во Ле Ман минатиот викенд поради позитивен тест.

Со ова се продолжува лошата сезона за Роси откако во последните три трки во низа тој излета по што тој е 13-ти во генералниот пласман.

Ќе ви се допадне