Во тешка несреќа во Австрија загина легендарниот словенечки сноубордер Марко Грлиќ (38), поранешен младински светски првак. Како што објавија словенечките медиуми, Грлиќ загинал додека снимал промотивно видео во ски-центарот Селден.
Грлиќ снимал тежок спуст, по што пропаднал во длабок снег и удрил во карпа, која не се гледала од големата снежна покривка. Бидејќи не носел заштитна кацига, загинал на местото на падот. Спасувачите итно го префрлиле во болница, а лекарите се обиделе да го реанимираат, но не успеале.
Словенецот беше еден од најуспешните сноубордери. Четири пати беше јуниорски светски првак, беше и втор во Светскиот куп, а освојуваше медали на Икс-игрите, по што се повлече и се посвети на промоцијата на овој спорт.
