Кога моменталната љубов на модниот свет кон athleisure естетиката се спојува со општата модна носталгија, се прави големо враќање – тренерките Adidas Firebird, особено светло црвените, ги зазедоа профилите на Инстаграм.
Стилот на тренерки е еден од трендовите што стилистите очекуваат да го одбележат уличниот стил оваа есен, но оваа сезона носи една новина: pop of colour концептот, или светли бои во комбинација со пригушени, неутрални тонови.
Кога ќе го земеме предвид сето ова, станува јасно зошто тренерките Adidas Firebird станаа фокус на трендсетерите. Значи, сивата тренерка не е единствената што ќе ја носиме оваа есен.
На Модните недели, во првите редови, ѕвездите носеа Adidas Firebirds, но комбинирајќи ги со елегантни парчиња: јакни, свилени блузи, бели и сини кошули, високи потпетици. Ова помогна да се создаде стилски контраст и да се претвори класичната спортска облека во урбан шик.
фото: принтскрин
