Се чини дека со порастот на популарноста на „бохо шик“ естетиката, беше само прашање на време кога ќе почнеме да гледаме имагинативни капи што одговараат на овој стил. Сепак, овој пат не станува збор за тесните хипи ленти за глава што девојките во 2000-тите ги носеа преку челото, туку за малку повпечатлив тренд кој исто така се однесува на седумдесеттите години – „crochet“ капи.
Во 1970-тите, бохо стилот го достигна својот врв, а техниките на рачна изработка како што е плетењето или хеклањето станаа исклучително популарни во западната култура.
„Плетените“ парчиња на тој начин станаа симбол на одвојување од масовното производство, но и средство за изразување на автентичност и креативност.
Хекланите фустани, елеци и модни додатоци беа исклучително пожелни, и наскоро модните дизајнери почнаа во нивната работа да воведуваат елементи што претходно ги носеа главно членовите на субкултурите.
Затоа плетените парчиња совршено се вклопуваат во летните трендови оваа година, а мрежестите капи станаа омилен избор на модните трендсетери.
Од трендовски градски комбинации до опуштени и комбинации за на плажа, плетените додатоци за коса се сигурен избор кој дефинитивно нема да остане незабележан.
Оваа година ги гледаме во различни бои и форми, а признаваме дека е особено тешко да се одолее на моделите украсени со шармантни детали како школки или зашиени светки.
