(Галерија) Синди Крафорд е икона на „Вог“

Светскиот топ модел Синди Крафорд на 56 години се сликаше за насловната страница на полското издание на „Вог“. Модните уредници ја опишаа како икона и избраа две фотографии за насловната. Крафорд сликаше и едиторијал за модниот магазин.

Американската манекенка се прослави во 1990те години и беше меѓу најпознатите модели. Таа во својата кариера учествуваше на модните ревии на скоро сите светски модни дизајнери и се сликаше за насловните на светските списанија. Иако одамна не работи како модел, повремено снима реклами и модни едиторијали. Нејзината ќерка Каја Гербер се занимава со мода, а стилистите често велат дека ќе ја наследи мајка си.