Пејачката Ријана на јавноста и претстави нова линија долна облека и фановите ги почести со фотографии од најновата маркетинг кампања.
Станува збор за новата колекција на нејзиниот познат бренд Savage x Fenty, а за оваа прилика пејачката позираше во предизвикувачки жолт комплет долна облека.
На Инстаграм профилот на својот бренд таа сподели неколку фотографии на кои позира во градник со цветен, жолт тантела дезен и соодветни гаќички со чорапи. На нејзините раце има ракавици со ист дезен кои допираат над лактот, а долгата руса коса ја оставила пуштена додека позирала пред камерата.
За само еден час откако беа објавени, фотографиите собраа повеќе од 1,6 милиони лајкови на Инстаграм и повеќе од 15.000 коментари.
„Прекрасен комплет долна облека“, „Морам да го купам ова, жолтата ми е омилена боја“, „Самодовербата, убавината и бестрашниот стил на Ријана го осветлуваат секој аутфит што го носи“, „Ова го ставам на списокот со желби“, беа само дел од коментарите на нејзините следбеници.
